"Recoñecer e reparar" as vítimas da tortura

A Deputación de Gipuzkoa esixe «recoñecer e reparar» as persoas que foron vítimas de tortura ou malos tratos nun acto celebrado con  motivo do Día da Tortura. O Deputado Xeral, Martín Garitano esixiu «recoñecer e reparar» as persoas que foron vítimas dos malos tratos como «un pequeno paso» cara á construción dun futuro baseado nunha «paz xusta».

O acto foi clausurado polo deputado xeral, Martin Garitano, quen denunciou a «inacabable lista» de persoas que denunciaron malos tratos por parte das Forzas de Seguridade do Estado tras ser detidas.
Garitano afirmou que a Deputación «ten claro» que é necesario «dar pasos no recoñecemento das vítimas do conflito», e que nese camiño «hai que expresar de forma clara e rotunda que a tortura é unha vulneración moi grave dos Dereitos Humanos».
Por iso, destacou a importancia de «recoñecer e reparar» as cidadá/ns vítimas de «esta atrocidade».
O acto incluíu a lectura dunha pasaxe da peza teatral "A morte e a doncela", ao que seguiu o testemuño de tres persoas que sufriron malos tratos: Agurtzane Juanena, Maialen Eldua e Martxelo Otamendi.

extraido de esculca web